Şagirdin qadın müəllimi güllələməsi faktı ilə bağlı DETALLAR - YENİLƏNİB 3
“İdrak” liseyində şagirdin müəlliməsini güllələməsinin bəzi təfərrüatları məlum olub.
“TV1” xəbər verir ki, şahidlərin report-a verdiyi məlumata əsasən, hadisə tənəffüs zamanı baş verib.
Bildirilib ki, güllə müəllimənin boyun nayihəsinə dəyib.
10:50
Daxili İşlər Nazirliyi (DİN) “İdrak” liseyində şagirdin müəllimi güllələməsi faktı ilə bağlı məlumat yayıb.
“TV1” xəbər verir ki, Nazirlikdən verilən xəbərə görə, fevralın 6-da saat 09 radələrində Binəqədi rayonunda yerləşən özəl “İdrak” liseyinin qarşısında 10-cu sinif şagirdi Ə.Ş insident törədib.
O, atasına məxsus ov silahı ilə məktəbə gələrək orada müəllimə işləyən Ş.K-ya xəsarət yetirib.
Polis əməkdaşları tərəfindən Ə.Ş saxlanılıb. Ondan ov silahı götürülüb.
Faktla bağlı araşdırma aparılır.
10:43
Bakıda liseydə şagird müəllimini güllələyib.
“TV1” report-a istinadən xəbər verir ki, hadisə Binəqədi rayonu ərazisində yerləşən “İdrak” liseyində baş verib.
Məlumata görə, 10-cu sinif şagirdi müəllimini ov tüfəngi ilə güllələyib. Xəsarət yetirilən müəllim xəstəxanaya yerləşdirilib, vəziyyətinin ağır olduğunu bildirilir.
Hazırda hüquq-mühafizə orqanları hadisə yerinə cəlb olunub.
