Gəncədə iki qardaş bıçaqlanıb - Hadisəni törədən 24 yaşlı oğlan qaçıb
Gəncədə iki qardaş bıçaqlanıb, hadisəni törətməkdə şübhəli bilinən şəxsin axtarışları aparılır.
“TV1” xəbər verir ki, 1993-cü il təvəllüdlü V.Qazıyev və onun qardaşı – 1999-cu il təvəllüdlü D.Qazıyev mübahisə zəminində bıçaq xəsarəti alıblar.
Onlar xəstəxanaya aparılıb, vəziyyətləri kafi qiymətləndirilir. Onları bıçaqlamaqda şübhəli bilinən 2001-ci il təvəllüdlü F.Qurbanov isə hadisə yerindən qaçıb. Hadisənin başvermə səbəbləri hələ məlum deyil. Hazırda hadisəni törətməkdə şübhəli bilinən şəxsin saxlanılması istiqamətində əməliyyat-axtarış tədbirləri davam etdirilir. Faktla bağlı araşdırma aparılır.
24 yaşlı gəncin bıçaqladığı qardaşlar xəstəxanadan evə buraxılıb. TƏBİB-dən verilən məlumata görə, iyulun 23-ü saat 01:30 radələrində 2 nəfər Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunublar.
Qeyd olunub ki, onlara budun açıq və döş qəfəsinin digər şöbələrinin açıq yaraları diaqnozu təyin olunub. Pasiyentlərə zəruri tibbi xidmətlər göstərilib. Vəziyyətləri stabil olan şəxslər ambulator müalicə üçün evə buraxılıb. /report/
