Göygöldə avtomobil qəzasında iki gənc ölüb, daha iki nəfər xəsarət alıb

Göygöl rayonunda avtomobil qəzası olub.

“TV1” xəbər verir ki, “Mercedes” markalı avtomobil idarəetmədən çıxaraq aşıb. Avtomobilin qəzaya uğraması nəticəsində rayonun Qızılca kənd sakinləri; – 2008-ci il təvəllüdlü Sənan Əsgərov və 2009-cu il təvəllüdlü Tunar Süleymanov xəsarət alıblar.

Qəza zamanı ağır xəsarət alan daha iki nəfər – 2009-cu il təvəllüdlü İspi Alıyev və həmyaşıdı Elvin (soyadı dəqiqləşdirilir) hadisə yerində ölüblər.

Hadisə yerinə təcili yardım maşını və yol polisi əməkdaşları cəlb olunub.

Yaralılar xəstəxanaya çatdırılıb. Faktla bağlı araşdırma aparılır.