Qazaxıstan-Azərbaycan Birbaşa İnvestisiya Fondunun rolu artır
Qazaxıstanın enerji resurslarının Azərbaycan ərazisindən keçməklə dünya bazarlarına tranziti sahəsində, o cümlədən kənd təsərrüfatı, sənaye kooperasiyası və telekommunikasiya sahələrində əməkdaşlığa xüsusi diqqət yetirilib.
“TV1” xəbər verir ki, bu barədə Azərbaycan xarici işlər naziri Ceyhun Bayramov və Qazaxıstan xarici işlər naziri Yermek Koşerbayev arasında bu gün keçirilən görüşlə bağlı Qazaxıstan Xarici İşlər Nazirliyinin yaydığı məlumatda bildirilir.
Məlumatda qeyd olunur ki, bu baxımdan Qazaxıstan-Azərbaycan Birbaşa İnvestisiya Fondunun artan rolu vurğulanıb.
Həmsöhbətlər mədəni-humanitar əlaqələrin inkişafından da məmnunluq ifadə edərək, Qazaxıstanda Azərbaycan Mədəniyyət Günlərini və Azərbaycanda Qazaxıstan Mədəniyyət Günlərini yüksək səviyyədə qeyd edildiyini bildiriblər.
Təhsil sahəsində intensiv əməkdaşlıq, xüsusilə Azərbaycanda davam edən Qazaxıstan Ali Təhsil Günləri yüksək qiymətləndirilib. İki ölkə arasında həftədə 30-a yaxın uçuş həyata keçirilən turizmdə də müsbət dinamika müşahidə olunur.
Görüş zamanı nazirlər həmçinin regional və qlobal gündəlikdəki aktual məsələlərə diqqət çəkiblər. Belə ki, ölkələr BMT, Birgə Ərazi Qrupu, Asiyada Qarşılıqlı Fəaliyyət və Etimad Tədbirləri üzrə Müşavirə (CICA), MDB, İƏT və Xəzər Sammiti də daxil olmaqla çoxtərəfli strukturlar çərçivəsində daha da sıx əməkdaşlığa sadiqliklərini təsdiqləyiblər.
