Qubada sərnişin avtobusu avtomobillə toqquşub - 1 ölü, 12 yaralı

Qubada ölümlə nəticələnən yol-nəqliyyat hadisəsi baş verib.

“TV1” xəbər verir ki, DİN-in Mətbuat Xidmətinin Quba regional qrupundan apa-ya verilən məlumata görə, avqustun 29-u səhər saatlarında Quba rayonunun Hacıhüseynli kəndi ərazisində “Mercedes” markalı sərnişin mikroavtobusu ilə “Chevrolet” markalı minik avtomobili toqquşub.

Qəza nəticəsində 1 nəfər ölüb, 12 nəfər isə müxtəlif dərəcəli bədən xəsarətləri ilə Quba Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.